فى حاجة مغرية !

نفس الناس الى مقتنعة بإن الغرب بيتأمر علينا هما أول ناس مستعديين يسافرو لو جتلهم الفرصة.
استغرابى مش ان إزاى هيسافرو لدول شاكين انها بتتأمر عليهم.
أنا أقصد ما حدش فكر منهم إذا كان فى حد بيتأمرعلينا فعلا, فدا معناه ان فى "حاجة مغرية" عندنا.
و طلاما فى "حاجة مغرية" عندنا يبقى نوعد بقى و نستغلها بدل ما نسافر.
ما هو يا تبطلو أعتناق نظريات المؤامرة و تسافرو براحتكو..يا تعتنقوها و تعدو فى البلد.

ليه كدا

كلنا بنحب البلد
أنا ما عنديش شك فى كدا
السؤال بقى لم كلنا بنحب البلد ليه حالها كدا
أفتكر ان فى فجوة كبيرة بين كلامنا و أفعلنا
مش عايز أبقى ظالم و أظلم ناس محترمة كتير
بس فعلا شىْ غريب ان كلنا بندعى حبنا ليها و على الرغم من كدا حالها مش أد كدا
ما هو حاجة من الأتنين يا ينزل كلامنا لمستوى أفعلنا, يا تطلع افعلنا لمستوى كلامنا

أمريكا شيكا بس مش بيكا

من ضمن الصور النمطية الى عند بعض المواطنيين و خاصا الشرفاء منهم, ان أمريكا عايزة تصدرلنا من الديمقراطية "الداعرة, الفاسقة, الى بتبوظ الأخلاق" الى عندها, الحقيقة -من وجهة نظرى- ان أمريكا عايزة فعلا ديمقراطية فى المنطقة العربية لكن أكيد مش من الى عندها, أمريكا عايزة ديمقراطية تسمح للشعوب العربية بالتنفيس عن غضبها عشان ما تقومش ثورات تانى و فى نفس الوقت تفضل محافظة على مصالحها و مصالح الننوسة الصغيرة "اسرائيل".

 و إذا كان فى تحدى أمام العرب و المصريين خاصا هو انهم يشتركو فى صنع القرار فى بلدهم و ما يوقفش دورهم عند صندوق الأنتخبات و بس.

ديموقراطية كاملة ولامؤخذة

الدستور أولا" لأ, ذي ماؤلت لأ في الأستفتاء بئول لأ لل "الدستور أولا" علي الرغم من اني مقتنع بأن "الدستور أولا" احسن من "الأنتخبات أولا" بس خلاص..............هاااااااان كلام ذي الفل صح

بس يريت ذي مابسمع الناس بتوع "الأنتخبات أولا" بتدافع بعنف أشوفهم بردة بنفس العنف اؤدام المجلس العسكري اللي ماحطش مادتين من الأستفتاء --–بص علي المادة 189و المادة 189 مكرر(1)---  في الأعلان الدستوري و غير في واحدة تالتة  --- بص علي المادة 60
 ولاهو "الي بتكسبو بتلعبو" و يرتكم بتكسبو فعلن والحدء يفهم


http://www.estefta2.eg/
http://bgyc.blogspot.com/2011/03/constitutional-declaration.html

اه عايزين انتئام

هو ليه كل ما يتجاب سيرة المحاكمات الناس تفتكر ان الثوار عايزين انتئام
لاْ احنا عايزين عدل
لو شايفين ان معاملة مبارك ذي اى مواطن عادى
و التحفظ على المتهمين "بقتل المتظهرين والي مش متظهرين" لحد ما يثبت برائة البريىْ و اجرام المجرم
و وقف المحاكمات العسكرية
و صرف تعويضات لاسر الشهداء
لو شايفين ان ان كل الى فات ده انتئام
يبئى اه احنا عايزين انتئام

بسم الله

بسم الله نبدأ التدوين و إن شاء الله تبقى فتحة خير علينا كلنا